PATAY ang isang 15-anyos na dalagita matapos umanong pagsamantalahan ng 13 lalaki sa Oslob, Cebu.

Nakauwi pa ng bahay ang biktimang itinago sa pangalang Rose Ann , matapos na mawala ng tatlong araw.

Ayon sa ulat, huling nakitang buhay ang biktima kasama ang nobyo nito noong December 9, 2024 at dumalo sa isang piyestahan.

Umabot ang magdamag ay hindi nakauwi ang biktima sa kanilang bahay kaya’t agad na iniulat ng kanyang mga magulang sa pulis ang kanyang pagkawala.

Pagkalipas ng tatlong araw ay umuwi ng bahay ang biktima subalit balisa ito at sumusuka ng dugo.

Napansin din ng kanyang mga magulang na may malaki itong pasa sa hita.

Kwento umano ng biktima , halinhinan siyang pinagsamantalahan ng 13 lalaki.

Kinabukasan, bigla na lamang umanong nanigas ang katawan ng biktima kaya’t isinugod siya sa pagamutan subalit hindi na siya umabot ng buhay.

Napag-alaman pa na nakahingi din ng tulong ang biktima sa. Ga pulis subalit binigyan lamang siya ng referral. Para sa medico legal.

Sa ngayon, wala pang person of interest sa kaso habang malaki naman ang hinala ng kaanak ng biktim na may kinalaman ang boyfriend nito sa kanyang sinapit.

Sa kasalukuyan, patuloy ang imbistigasyon sa kaso.