LABINGWALONG bangkay ang natagpuan sa loob ng bahay dahil sa flashflood at landslide sa Brgy. Sampaloc, Talisay, Batangas, ayon sa report.

Kinilala ang mga nasawi na sina Isidro Galupe, Prinsesa Jamela Galupe, Dindo Galupe, Ace Gabriel Galupe, Lian Kiel Delos Santos, John Paul Vargas, Evelyn Vargas, Jose Ramy Villariez, Salve Bombales, Maria Reynabel Dejucos, Prinsipe Renzji Dejucos, Renz Joco Dejucos, Sean Joross Dejucos, Zack David Dejucos, Mary Rose Villariez, Sarah Cardinio, Eunice Sophia Cardinio at Marcky Magbuhos.

Namatay sa Cuenca, Batangas si Isabel Cuevas Umali dahil din sa flashfloods.

Patay din si Jeffrey Camarista ng Lian, Batangas ng bumagsak ang puno ng mangga sa kanilang bahay at tumama sa kanyang ulo.

Sa Calatagan, Batangas, namatay si Concepcion Lumayor Villaruel sa loob ng kanilang bahay na binaha.