NALUNOD noong Huwebes ng dalawang batang lalaking estudyante habang naglalaro sa gilid ng Laguna Lake sa Brgy. Libid, Binangonan, Rizal.

Kapwa 15-anyos ang mga nasawi at grade 8 student at naninirahan sa Napico Manggahan, Pasig City.

Base sa imbestigasyon, bandang alas-4:40 ng hapon naglalaro sa tabi ng Laguna Lake ang dalawang biktima nang biglang dumausdos sa lawa.

Nahulog ang dalawang bata sa lawa at pagkaraan ng ilang minuto lumubog na.

Humingi ng tulong sa mga bystanders ang mga kasamahan ng dalawang biktima pero patay na ng iahon mula sa lawa.