SAN JOSE CITY–Nasakote ng pulisya ang isang pinaghihinalaang carnapper noong Sabado.

Hinuli ng mga warrant operatives batay sa warrant of arrest sa kasong paglabag sa Republic Act 10883 (New Anti-Carnapping Act of 2016) si alyas Papay, ayon sa report.

Natiklo ang suspek sa tulong ng warrant of arrest mula sa Regional Trial Court Branch 39 na pirmado ni Judge Cynthia Martinez-Florendo.

May inirekomendang P300,000 piyansa para sa pansamantalang kalayaan ng suspek.

Pinuri ni Nueva Ecija police chief Col. Ferdinand Germino ang mga pulis dahil sa pagkakadakip sa suspek.

“Hindi namin maaaring payagang malayang gumala ang mga wanted na kriminal sa aming mga komunidad,” sabi ni Germino.