CABANATUAN CITY–Tinawag na “bayani ng NEPPO” ni Nueva Ecija police chief P/Col. Ferdinand Germino ang 25 pulis na idineploy sa Buldon, Maguindanao Del Norte bilang bahagi ng contingency forces para sa halalan noong Mayo 12.

Pinangunahan ni Germino ang pagbibigay-pugay sa 25 pulis ng mag-martsa mula sa old provincial capitol papuntang NEPPO parade grounds.

Binigyan sila ng cash incentives at plake bilang pagkilala sa kanilang performance noong nakaraang eleksyon.

“Ipinadala kayo sa malayo sa inyong tahanan, pinagkatiwalaan ang kritikal na responsibilidad na pangalagaan ang kapayapaan at kaayusan sa isa sa mga pinaka-sensitibo at mapaghamong lugar sa bansa,” sabi ng hepe ng pulis.