PINATAY ang isang lalaki noong Miyerkules habang natutulog sa tindahan sa Sitio Bakle, Brgy. Aranguren, Capas, Tarlac.

Sa ulat kay Police Regional Office (PRO)-3 director P/Brig. Gen. Jean Fajardo, kinilala ang biktima na si Eric Torres, 33.

Sinabi ng misis ng biktima sa pulisya na natutulog silang mag-asawa ng makarinig siya ng malakas na tunog na gumising sa kanya.

Nang suriin niya ang kanyang asawa, nakita niya itong nakahandusay sa sahig na puno ng dugo.

Isinugod ang biktima sa Ospital Ning Capas sa Capas, Tarlac ngunit idineklarang dead-on-arrival.