NIYANIG ng magnitude-4.4 na lindol ang Pugo, La Union noong Huwebes, ayon sa Philippine Institute of Volcanology and Seismology (Phivolcs).

Naramdaman ang lindol sa layong 2 kilometro hilagang-silangan ng Pugo bandang alas-10:30 ng umaga sa lalim na 10 kilometro, dagdag ng Phivolcs.

Una nang iniulat ng Phivolcs ang magnitude ng lindol sa 4.8 pero binago ito sa 4.4.

Naramdaman intensity 4 sa Pugo at Tubao, La Union at Baguio City, na naging dahilan upang maglabasan ang mga building occupants.

Intensity 3 naman sa Itogon, Benguet; Villasis, Pangasinan; at San Fernando, La Union.

Bagama’t hindi sapat ang lakas ng lindol para magdulot ng mga aftershocks, maaari itong magdulot ng pinsala, ayon sa Phivolcs.