PATAY ang 5-anyos na bata na nabundol ng rumaragasang ambulansya sa Blk. 2, Malakas St. Ynares Ave., Purok ll, Lupang Arenda, Brgy. Sta Ana, Taytay, Rizal.

Nasawi si Donn Isaiah Bagcal Omapoy ng Phase 3, Blk 1, Lot 62, Lorenzo Ruiz, Brgy. San Juan, Taytay, Rizal at kinilala ang driver ng ambulansya na si alyas Eugene, 37.

Tinatahak ng ambulansya na puting Nissan Urvan (FGI 346) ang Ynares Ave. galing sa Quirino Memorial Medical Center dakong alas-6:30 ng gabi nang mabundol ang bata.

Nagtamo ng sugat ang nasawi at isinugod sa Rizal Provincial Hospital System (RPHS) sa Taytay, Rizal ngunit idineklarang dead-on-arrival ng attending physician na si Dra. Micah Javier.