NAMPICUAN, Nueva Ecija–Lima ang nahuli sa Brgy. West Poblacion ng bayang ito sa aktong tumataya sa sakla at nahulihan din ng taya na aabot sa P5,144 noong Sabado.

Ayon kay PMaj. Lawrence Danao, hepe ng pulis ng bayan, dalawa sa limang nahuling suspek ay kinilalang operator at financier ng illegal na pasugalan.

Dakong alas-12:30 ng madaling araw nahuli ang lima, ayon sa report.

Kumpiskado din sa raid ang isang gambling table, apat na monoblock chairs, shaker cup, 40 tokens/chips at game board.

Nakadetine na ang mga suspek at nahaharap sa kasong paglabag sa RA 9287 (An Act Increasing the Penalties for Illegal Numbers Game).