TIMBOG noong Biyernes sa Las Piñas City ang 65-anyos na lolo na suspek sa paulit-ulit na panghahalay sa isang babae.

Mahigit isang taon ding hinanap ng mga pulis si alyas Lolo Tonyo bago natunton sa Brgy. Pulang Lupa Uno, ayon sa report.

Sa ulat kay Southern Police District (SPD) Director P/BGen. Glenn Oliver Cinco, inaresto ang lolo sa bisa ng warrant of arrest na inilabas ni Las Piñas City Regional Trial Court (RTC) Presiding Judge Harold Cesar Huliganga ng Branch 254 para sa apat na bilang ng kasong rape.

“We will continue to intensify our operations against wanted persons, especially those involved in heinous crimes, in order to protect the public and uphold the rule of law,” sabi ng opisyal.