MAHIGIT 65 milyong physical at virtual national identification card na umano ang naipamigay ng Philippine Statistics Authority (PSA) noong ngayong buwan.

Ayon sa PSA nakapag-imprenta na ito ng 65,050,382 Philippine Identification System (PhilIDs) at ePhilIDs mula ng umpisahan ang implementasyon ng Philippine Identification System (PhilSys).

Sa bilang na ito, 31,204,200 ang na-deliver na hanggang noong Mayo 19 samantalang 33,846,182 ePhilIDs naman ang naibigay na hanggang noong Mayo 20.

Ipinaalala ng PSA sa mga nakapagparehistro na bisitahin ang https://appt.philsys.gov.ph upang malaman kung maaari na nilang kunin ang kanilang ePhilID.

Ang mga nakapagrehistro na at nakatanggap ng opisyal na text message mula sa PSA ay maaari naman umanong mag-download ng PDF copy ng kanilang ePhilID sa kanilang mobile devices.