HERMOSA, Bataan –Tumanggap uli ang halos 900 na lolo at lola ng ayuda mula sa bayang ito noong Dec. 26 sa ikaapat na pagkakataon.

Ayon kay Mayor Jopet Inton: “Matagumpay nating naipamahagi ang social pension para sa ating mga minamahal na mga lolo at lola sa Hermosa na pinangasiwaan ng Hermosa MSWDO.”

Ayon kay Mayor Inton, may kabuuang 889 na benepisyaryo ang tumanggap ng kanilang pinansyal na ayuda sa Hermosa covered court.

Kinatawan si Mayor Inton ni Mayora Anne Inton kasama ang mga miyembro ng Team Lipad na sina Konsehal Lou Narciso, Jason Enriquez, Floyd Tungol, Boyet Yandoc, Leonard Cruz at Jinkee Alonzo.

“Patuloy nating sisiguraduhin na ang ganitong programa makararating sa lahat ng nangangailangan bilang bahagi ng ating layuning mapabuti ang kalidad ng buhay ng bawat Hermoseño,” sabi ni Mayor Inton.