KAMPO VICENTE LIM, Calamba City, Laguna—Mas pinagtibay ng Police Regional Office 4A (PRO 4A) at ng Armed Forces of the Philippines (AFP) ang kanilang tambalan para sa kapayapaan sa buong Timog Luzon.

Ito ay matapos tanggapin ni PRO 4A director PBGen. Dominic Baccay ang exit visit ni Southern Luzon Command (SOLCOM) commander Lt. Gen. Cerilo Balaoro Jr.

Sa pagbisita, binigyang-diin ang mahalagang papel ng patuloy na palitan ng impormasyon, koordinasyon, at samahang pulis at sundalo upang mabilis na maaksyunan ang banta sa seguridad ng rehiyon.

Dahil sa mas higit na pagtutulungan ng PNP at AFP, mas pinalakas pa ang kahandaan para maprotektahan ang mga komunidad, mapanatili ang kaayusan at matiyak ang kaligtasan ng bawat mamamayan.