PLARIDEL, Bulacan – Anim na pinaniniwalaang suspek sa drug trading ang naaresto ng mga anti-narcotics operatives sa pinaniniwalaang drug den sa Barangay Banga 2nd, Plaridel, Bulacan, noong Sabado, ayon sa Philippine Drug Enforcement Agency (PDEA) Bulacan Provincial Office.

Ang mga suspek ay nakilalang sina alyas “Ton-Ton,” 54-anyos; “Lynn,” 54-anyos; “Junior,” 29-anyos; “Berong,” 33-anyos; “Dinan,” 60-anyos; at “Choco,” 24-anyos.

Nakumpiska sa kanila ang 10 gramo ng shabu na may halagang P68,000, iba-ibang drug-sniffing paraphernalia at ang buy-bust money.

Ayon sa PDEA, kasama ang mga nahuli sa unified watchlist ng drug personalities na naka-link sa Philippine National Police database.

Sasampahan ang anim na naaresto ng kasong paglabag sa Republic Act No. 9165, o Comprehensive Dangerous Drugs Act of 2002.