IPINAG-UTOS ng Department of Foreign Affairs (DFA) ang mandatory evacuation sa mga Pilipino na nasa Ukraine sa gitna ng nagpapatuloy na pagpasok ng mga sundalo ng Russia roon.

Ngayong araw ay itinaas ng DFA ang crisis alert level mula Alert Level 2 (Restriction Phase) sa Alert Level 4 (Mandatory Repatriation), ang pinakamataas na alerto.

“Filipinos in Ukraine will be assisted by the Philippine Embassy in Poland and the Rapid Response Team, which are currently assisting Filipino nationals for repatriation and relocation,” sabi sa advisory ng DFA.

Samantala dumating na sa bansa ang 20 Pilipino na inilikas mula sa Ukraine noong Sabado at Linggo.