𝗜𝗡𝗜𝗟𝗨𝗡𝗦𝗔𝗗 𝗻𝗴 𝗢𝗙𝗪 𝗣𝗮𝗿𝘁𝘆 𝗟𝗶𝘀𝘁 𝗚𝗿𝗼𝘂𝗽 𝘀𝗮 𝗽𝗮𝗻𝗴𝘂𝗻𝗴𝘂𝗻𝗮 𝗻𝗴 𝗸𝗶𝗻𝗮𝘁𝗮𝘄𝗮𝗻 𝗻𝗶𝘁𝗼 𝗻𝗮 𝘀𝗶 𝗖𝗼𝗻𝗴𝗿𝗲𝘀𝘀𝘄𝗼𝗺𝗮𝗻 𝗠𝗮𝗿𝗶𝘀𝘀𝗮 “𝗗𝗲𝗹 𝗠𝗮𝗿” 𝗣. 𝗠𝗮𝗴𝘀𝗶𝗻𝗼 𝗮𝗻𝗴 𝗸𝗮𝘂𝗻𝗮-𝘂𝗻𝗮𝗵𝗮𝗻𝗴 “𝗣𝘀𝘆𝗰𝗵𝗼𝗹𝗼𝗴𝗶𝗰𝗮𝗹 𝗙𝗶𝗿𝘀𝘁 𝗔𝗶𝗱 𝗦𝗲𝗺𝗶𝗻𝗮𝗿” 𝗽𝗮𝗿𝗮 𝘀𝗮 𝗸𝗮𝗻𝗶𝗹𝗮𝗻𝗴 𝗺𝗴𝗮 𝘀𝘁𝗮𝗳𝗳 𝗺𝗲𝗺𝗯𝗲𝗿𝘀 𝗸𝗮𝗯𝗶𝗹𝗮𝗻𝗴 𝗻𝗮 𝗮𝗻𝗴 𝗺𝗴𝗮 𝗹𝗶𝗱𝗲𝗿𝘀 𝗻𝗶𝘁𝗼 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗽𝗮𝗸𝗶𝗸𝗶𝗽𝗮𝗴𝘁𝘂𝗹𝘂𝗻𝗴𝗮𝗻 𝗻𝗶𝘁𝗼 𝘀𝗮 𝗥𝗼𝘁𝗮𝗿𝘆 𝗖𝗹𝘂𝗯 𝗼𝗳 𝗦𝘂𝗻𝘃𝗮𝗹𝗹𝗲𝘆 𝗦𝘂𝗻𝗿𝗶𝘀𝗲 𝗮𝘁 𝗛𝗮𝗹𝗰𝘆𝗼𝗻 𝗠𝗲𝗻𝘁𝗮𝗹 𝗛𝗲𝗮𝗹𝘁𝗵.

Ayon kay Magsino, ginanap ang nasabing seminar sa OFW Tulong at Serbisyo Center sa Ayala Malls Manila Bay, Diosdado Macapagal Avenue, Parañaque City na naglalayong magkaroon ng training ang mga kasapi ng OFW Party List sa usapin ng mental health.

Nilahukan ang seminar ng tinatayang nasa 28 participants upang turuan ang mga “frontliners” ng OFW Party List ng psychological first aid na magagamit naman nila para sa mga problemado o “distressed” Overseas Filipino Workers (OFWs) kasama na ang kanilang mga pamilya.

Paliwanag ni Magsino, napapanahon ang isinagawang First Aid Seminar bunsod ng lumolobong kaso ng mga OFWs na kasalukuyang dumaranas ng mental health problem para agad na matugunan at masolusyunan ang tinatawag na mental health needs ng mga OFWs.

Sinabi din ni Magsino na kamakallan lamang ay pinadalhan nito ng sulat si Department of Healt (DOH) Sec. Ted Herbosa upang hilingin dito na magbalangkas ng mga programa para matugunan o ma-address ang “mental health needs” ng mga OFWs sa gitna ng nararanasan nilang stress sa kanilang trabaho.

Kasabay nito, ipinahayag din ni Magsino na kasalukuyan nitong pina-iigting ang “inter-agency” system para sa repatriation ng mga psychologicaly distressed OFWs mula sa iba’t-ibang bansa.

To God be the Glory