UMARANGKADA na ang Batang Gentri Sports Camp Season 3 noong Lunes sa General Trias Sports Center sa Brgy. San Juan.

Gaganapin ang sports camp sa pakikipagtulungan ng Sports Development Unit (SDU), Office of Mayor Mayor Luis Ferrer IV, Vice Mayor Jonas Labuguen at Congressman Ony Ferrer.

Mga batang mula 7-anyos hanggang 14-anyos ang nagpalista para sa 10-day free sports clinic para sa basketball, volleybal, baseball, softball, football, badminton, table tennis, sepak takraw, judo, taekwondo, arnis at chess.

Layunin ng sports camp na matuto ang mga bata ng mga sports disciplines habang nasa bakasyon sa paaralan.

Ayon kay Jon Jon Comandante ng City Sports Development Unit, libre ang sports clinic na handog ng lokal na pamahalaan.