𝗕𝗔𝗚𝗔𝗠𝗔’𝘁 𝗻𝗮𝗽𝗮𝗸𝗮𝗵𝗶𝗴𝗽𝗶𝘁 𝗻𝗴 𝘁𝗿𝗮𝗯𝗮𝗵𝗼 𝗻𝗴 𝗺𝗴𝗮 𝗺𝗮𝗺𝗯𝗮𝗯𝗮𝘁𝗮𝘀 𝗱𝗮𝗵𝗶𝗹 𝘀𝗮 𝗸𝗮𝗹𝗶𝘄𝗮’𝘁-𝗸𝗮𝗻𝗮𝗻𝗴 𝗶𝘀𝘀𝘂𝗲 𝗻𝗮 𝘁𝗶𝗻𝗮𝗹𝗮𝗸𝗮𝘆 𝗻𝗴 𝗞𝗮𝗺𝗮𝗿𝗮 𝗱𝗲 𝗥𝗲𝗽𝗿𝗲𝘀𝗲𝗻𝘁𝗮𝗻𝘁𝗲𝘀, n𝗮𝗴𝗮𝗴𝗮𝘄𝗮 𝗽𝗮𝗿𝗶𝗻 𝗻𝗶 𝗛𝗼𝘂𝘀𝗲 𝗗𝗲𝗽𝘂𝘁𝘆 𝗦𝗽𝗲𝗮𝗸𝗲𝗿 𝗮𝘁 𝗖𝗲𝗯𝘂 𝟱𝘁𝗵 𝗗𝗶𝘀𝘁. 𝗖𝗼𝗻𝗴. 𝗩𝗶𝗻𝗰𝗲𝗻𝘁 𝗙𝗿𝗮𝗻𝗰𝗼 “𝗗𝘂𝗸𝗲” 𝗗. 𝗙𝗿𝗮𝘀𝗰𝗼 𝗻𝗮 𝗺𝗮𝗶𝘀𝗶𝗻𝗴𝗶𝘁 𝘀𝗮 𝗸𝗮𝗻𝗶𝘆𝗮𝗻𝗴 𝘀𝗰𝗵𝗲𝗱𝘂𝗹𝗲 𝗮𝗻𝗴 𝗽𝗮𝗴𝗽𝗮𝗽𝗮𝘀𝗶𝗻𝗮𝘆𝗮 𝘀𝗮 𝗺𝗴𝗮 𝗶𝘀𝗶𝗻𝘂𝗹𝗼𝗻𝗴 𝗻𝗶𝘁𝗼𝗻𝗴 𝗽𝗿𝗼𝘆𝗲𝗸𝘁𝗼 𝗽𝗮𝗿𝗮 𝘀𝗮 𝗸𝗮𝗻𝗶𝘆𝗮𝗻𝗴 𝗱𝗶𝘀𝘁𝗿𝗶𝘁𝗼.

Para sa House Deputy Speaker, pinangatawanan nito ang kasabihan na “the show must go on” sa gitna ng mabibigat na usapin na kasalukuyang pinagkakaabalahan at tinututukan ng Kongreso.

Pinangunahan nito ang pag-turnover sa dalawang infrastructure project nito sa Munisipalidad ng Borbon sa Cebu na nagkakahalaga ng P10 million.

Paliwanag ni Frasco na sinisikap nitong hatiin ang kaniyang trabaho at oras bilang House Deputy Speaker at kinatawan naman ng 5th District upang hindi niya makaligtaan ang pagbibigay nito ng serbisyo sa mga pangunahing pangangailangan ng kaniyang mga kababayan kabilang na dito ang paghahatid ng financial at livelihood assistance para sa mga mahihirap na mamamayan ng kanilang lalawigan.

Ayon kay Frasco, kabilang sa mga tinutukan nitong proyekto kamakailan ay ang ginawa nitong pag-turnover sa bagong covered court ng Don Gregorio Antigua Elementary school sa Barangay Don Gregorio Antigua. Nagpahayag ng malaking pagpapasalamat ang pamunuan ng naturang eskuwelahan.

Ipinabatid din ng kongresista sa 𝗣𝗲𝗼𝗽𝗹𝗲’𝘀 𝗧𝗮𝗹𝗶𝗯𝗮 na isa pang infrastructure project ang kaniyang pangunahan na inaasahang magbibigay ng napakalaking benepisyo para sa mga residente ng Barangay Poblacion sa pamamagitan ng bagong paggawang covered court ng Sition Gaban sa nasabing lugar na nagkakahalaga ng P5 million.

Sabi pa ni Frasco na tiyak na malaki ang magiging pakinabang ng mga mamamayan ng Barangay Don Gregorio at Sitio Galaban sa kanilang bagong covered court na maaari nilang pagdausan ng school activities, events sa panahon ng piyesta at iba pang okasyon.

“Kahit masyado tayong busy dahil sa dami ng ating trabaho sa Congress, hindi pa rin natin nakakalimutang tutukan ang ating mga proyekto sa ating distrito,” sabi ni Frasco.