KAMPO HENERAL MIGUEL MALVAR, Batangas–Dalawang hinihinalang tulak ng ilegal na droga ang nadakip ng mga otoridad na may dalang halos 14 na gramo ng shabu na nagkakahalaga ng halos P86,000 sa Batangas City noong Miyerkules.

Sa report ng Batangas police kay Police Regional Office (PRO)-4A chief P/Brigadier Gen. Paul Kenneth Lucas, nakilala ang unang nahuli na si alyas Jerwin.

Nahuli si alyas Jerwin sa Brgy. Sta Rita Karsada, Batangas City sa buy-bust.

Nakumpiska sa kanya ang tatlong plastic sachet na may laman na shabu na may timbang na 7.29 gramo at may halagang P49,572.

Huli rin ang suspek na si alyas Roy sa Brgy. Cuta, Batangas City na may dalang sachet na may 5.20 gramo ng shabu at may halagang P35,360.