NAMATAY ang obrerong Chinese national noong Biyernes nang aksidenteng mahulog sa taas ng building sa Brgy. Gelerang Kawayan, San Pascual, Batangas.

Napag-alamang steel structure specialist ang nasawi na nakilalang si alyas Zha, 48.

Pasado alas-3:35 ng hapon ng malaman ang sinapit ng Chinese mula sa tawag sa telepono sa San Pascual police ni Celso Abrugena ng Brgy. Gelerang Kawayan.

Ayon sa testigong si Lander Flores Mahusay, bandang alas-3:00 ng hapon nasa tuktok ng ginagawang building ang biktima nang nawalan ng balanse at nahulog mula sa taas na pitong metro at tumama ang ulo sa semento.