NAHULI ng mga pulis-Valenzuela sa Southern Leyte ang dalawang suspek sa kasong murder noong Biyernes na nagtago ng limang taon, ayon sa hepe ng pulisya na si P/Col. Nixon Cayaban.

Dakong alas-11:45 ng gabi nang masukol ng mga tauhan ng Station Intelligence Section (SIS) ng Valenzuela Police sina alyas Jelson, 42, at alyas Anthony, 28, sa Brgy. Bogo, Tomas Oppos, Southern Leyte.

Dalawa pa nilang kaanak na sina alyas Cesar at alyas Raffy ang tinutugis pa ng pulisya na kasama rin ng dalawa nang isagawa ang krimen.

Nahuli ang dalawa sa bisa ng warrant of arrest na inilabas ni Valenzuela City Regional Trial Court (RTC) Presiding Judge Evangeline Mendoza Francisco ng Branch 270.