ISANG suspek sa panghahalay na dalawang taon nagtago ang nahuli ng mga pulis ng Southern Police District (SPD) sa Antipolo City noong Sabado.

Nadakip ang 30-anyos na si alyas Kenneth sa J.P. Rizal St., Brgy. Dela Paz, Antipolo City dakong alas-9:30 ng gabi.

Ikinasa ang operasyon ng mga tauhan ng SPD Intelligence Section bitbit ang warrant of arrest galing kay Taguig Regional Trial Court (RTC) Presiding Judge Bernard Pineda Bernal ng Branch 70 para sa kasong rape.

Pansamantalang nakapiit sa custodial facility sa headquarters ng SPD ang akusado habang hinihintay ang commitment order para sa paglipat sa kanya sa pangangalaga ng Bureau of Jail Management and Penology (BJMP).