PATAY ang 31-anyos na tricycle driver makaraang barilin ng kapwa driver habang nakaupo noong Sabado sa corner ng Fr. Masi at Pagsanjan Sts., Brgy. San Antonio, San Pedro City, Laguna.

Nagtamo ang biktimang si Resty Alfiscar Hernandez ng ilang tama ng bala sa kanyang katawan.

Tumakas ang hindi nakilalang suspek, ayon sa mga pulis.

Ayon sa pulisya, naganap ang pamamaril dakong alas-2:00 ng madaling araw.

Nakaupo sa minamanehong tricycle ang biktima ng biglang dumating ang armadong suspek saka walang babalang pinutukan ng ilang beses.