BINARIL at napatay ng dalawang hindi nakilala at nakatakas na suspek sa San Jose Del Monte, Bulacan sa Sitio Licao-licao, Brgy. Macabud, Rodriguez, Rizal ang isang welder noong Sabado.

Kinilala ng mga pulis ang biktima na si Oscar Mejarito Cainggoy, 64.

Naganap ang pamamaril bandang alas-12:30 ng tanghali ng biglang dumating ang mga suspek sa bahay ng biktima para humingi ng welding job quotation.

Paglabas ng biktima, bumunot ng baril ang mga suspek at pinaputukan ang biktima at tumakas na patungo sa San Jose Del Monte, Bulacan.