CAMP BGEN Paciano, Rizal–Tiklo sa mga pulis ang lalaking nahaharap sa kasong panghahalay sa joint operation ng San Pedro at Bocaue police noong Enero 18.

Sa ulat ng pulis, nahuli si alyas Jayson dakong alas-12:55 ng tanghali sa Brgy. Poblacion, Bocaue, Bulacan sa bisa ng warrant of arrest ng Regional Trial Court, Branch 170 ng San Pedro City, Laguna na pirmado ni Judge Nanette Austria.

Kasalukuyang nasa kustodiya ng San Pedro police ang akusado, ayon sa mga pulis.

“Sa pakikipagtulungan ng mamamayan sa ating mga kapulisan mabilis na nahuhuli ang mga gumawa ng krimen sa loob man o sa labas ng probinsya.

Makakaasa po kayo na ang Laguna PNP hindi titigil sa pagsugpo sa mga nagtatago sa batas,” sabi ni acting Laguna Provincial Director PCol. Ricardo Dalmacia.