DALAWANG lalaki noong Miyerkules ang nasakote ng mga otoridad dahil sa pagdadala ng baril at shabu sa Calaca at Cuenca, Batangas.

Nahuli ng mga miyembro ng Cuenca police si alyas Joel sa Brgy. Ibabao, Cuenca dahil sa paglabag sa RA 10591 (Comprehensive Firearms and Ammunition Act).

Nasamsam mula sa kanya ang 20 bala para sa 9mm na baril, isang 9mm pistol, cartridge box at dalawang plastic sachets na may lamang hinihinalang shabu.

Si alyas Rolando nahuli bandang alas-10:26 ng gabi noong Enero 22 sa Brgy. Puting Bato Silangan, Calaca, Batangas.

Kasong paglabag sa RA No. 10591 din ang ugat ng pag-aresto kay alyas Rolando.

Narekober ng mga pulis mula sa suspek ang Magnum .22 caliber, anim na bala at mga illegal drug paraphernalia.