DEAD-on-the-spot noong Miyerkules ang rider na natumbok ang boundary post sa Corazon Aquino Ave., Brgy Prinza, Teresa, Rizal at nakuhanan pa ng marijuana.

Pasado alas-3:45 ng hapon nagpunta ang ama ng nasawi sa himpilan ng pulisya ng Teresa at nag-report tungkol sa trahedya.

Sa inisyal na imbestigasyon, bandang alas-4:00 ng umaga sakay ng Honda Beat Street 125 ang nasawing si Mark Ivan Bacolod Monteser nang salpukin ang boundary post/wall sa nasabing kalye.

Sa lakas ng impact, tumilapon at bumagsak sa kalye na duguan ang biktima at tuluyang namatay ilang minuto lang ang nakalipas

Nakarekober ang mga pulis sa lugar ng insidente ng anim na piraso ng transparent plastic sachet na naglalaman ng hinihinalang pinatuyong dahon ng marijuana.