PINANGUNAHAN ni Mayor Beverley Dimacuha at Rep. Marvey Marino ang opening ceremony ng 19th Mayor’s Cup sa Batangas City Sports Coliseum noong Sabado.

Dumalo sa sportsfest ang mga manlalaro at taga-suporta mula sa 50 barangay, ayon kay Local Youth Development Officer Nelbert Magbanua.

Kabilang din sa mga sports events ng Mayor’s Cup ang softball, baseball at Mobile Legends na ongoing pa rin ang registration sa mga nagnanais sumali.

Hinirang na Muse of the League ang kinatawan ng Tabangao Ambulong na si Kaye Ashley Gumiran at Ms Instaglam ang kandidata ng Kumintang Ilaya na si Chand Anurada.

Tumanggap ng trophy at cash prizes ang dalawa.