DALAWANG obrero ang nasugatan nang sumabog ang tangke na nire-repair nila noong Biyernes sa Valenzuela City.

Nagpapagaling na sa ospital ang mga biktimang may edad na 42 at 27 dahil sa pinsala sa iba’t-ibang bahagi ng katawan.

Gumagamit ng acetelyne ang dalawang biktima sa pagre-repair sa malaking tangke sa T. Santiago St., Brgy. Veinte Reales nang biglang sumabog.

Ayon sa ilang residente, sa lakas ng sabog tumilapon ng ilang metro ang isa sa biktima.

Nagsasagawa pa ng pagsisiyasat ang mga awtoridad upang alamin ang dahilan ng pagsabog at kung ano ang posibleng pananagutan ng may-ari ng kompanya ng nasugatang trabahador.