SUGATAN ang mag asawa sa sumabog na tangke ng liquefied petroleum gas (LPG) sa Quezon City noong Biyernes.

Sa imbestigasyon ng National Capital Region ng Bureau of Fire Protection, nagluluto ang mag-asawa sa kusina ng kanilang dalawang palapag na bahay sa Brgy. Central nang mangyari ang pagsabog dakong alas-2:10 ng madaling araw.

Tumagal ang sunog ng halos 30 minuto at umabot sa unang alarma.

Naapula ng mga bumbero ang apoy dakong alas-2:43 ng madaling araw, ayon sa BFP.

Ang mga biktima, na hindi nakilala ng BFP, dinala sa ospital para gamutin ang mga paso sa katawan.