Isang 45-anyos na lalaki na sangkot umano sa iligal na bentahan ng baril ang naaresto ng pulisya sa Quezon City.

Kinilala ang suspek na isang tricycle driver at residente ng Barangay 527, Manila.

Isang impormante umano ang tumimbre sa pulisya kaugnay ng iligal na pagbebenta ng suspek ng kalibre .38 revolver sa halagang P6,000.

Naglatag ng isang buy-bust operation ang pulisya at alas-11:15 a.m. noong Mayo 26 ay naaresto ang suspek sa Quezon Avenue malapit sa kanto ng Banawe St. Brgy. Sto. Domingo, Quezon City.

Nagtangkang tumakas ang suspek subalit nahuli rin ito ng mga pulis at narekober sa kanya ang isang kalibre .38 revolver na may anim na bala.

Ang suspek ay nahaharap sa kasong paglabag sa Comprehensive Firearms and Ammunition Regulation Act kaugnay sa Omnibus Election Code.