WALONG katao na inakusahan ng qualified theft ang inaresto ng mga pulis sa iba’t-ibang barangay sa Apalit, Pampanga.

Sa ulat kay Police Regional Office (PRO)-3 director Brig. Gen. Jean Fajardo, kinilala ang mga suspek na sina alyas Rose, 41; Irene, 23; Analyn, 25; Angel, 21; Tina, 23;; Lei, 25; Juan, 22; Jose, 39; at Mico, 31.

Inaresto ni Apalit police chief Lt.. Col. German Pascua ang mga suspek batay sa warrant na inilabas ng RTC Third Judicial Region Branch 55 ng Macabebe, Pampanga dahil sa kasong qualified theft.

Ang operasyon bunga ng pagsisikap ng Apalit police sa paghahanap ng mga suspek sa iba’t-ibang barangay.