ARESTADO ang umano’y operator ng ilegal na pasugalan at 17 iba pa noong Huwebes sa raid sa Brgy. Bulaon, San Fernando Pampanga.

Sa ulat ni P/Col. Jay Dimaandal, hepe ng San Fernando police, kinilala ang operator na si alyas Laqui, 55.

Nakilala naman ang 17 pang naaresto na sina alyas Mante, 52; Lopez, 27; Lito, 45; Ambao, 53; Delio, 47; Jay, 39; Piyok, 45; Taba, 54; Lina, 72; Rey, 37; Mavic, 49; Castro, 54; Tofila, 60; Robin, 63; at Calas, 38.

Nasamsam ng mga miyembro ng Intel Section ng San Fernando City police sa raid ang playing cards at tayang pera na nagkakahalaga ng P17,651.

Kakasuhan ang mga naaresto ng paglabag sa PD 1602.