NAG-host ng 4 na araw na workshop tungkol sa mapanganib na kalakal para sa mga civil aviation inspector noong Hunyo 16-19 sa Maynila ang Civil Aviation Authority of the Philippines (CAAP), sa pakikipagtulungan sa Cooperative Development of Operational Safety and Continuing Airworthiness Program – Southeast Asia (COSCAP-SEA) at European Union Aviation Safety Agency (EASA).

Layunin ng workshop na palakasin ang kakayahan ng mga inspector sa pagre-regulate ng transportasyon ng mapanganib na kalakal, kabilang ang operational approvals, shipment authorizations, pagsisiyasat ng insidente at mga hakbang sa pagpapatupad ng regulasyon.

Ang inisyatiba na ito ay tumutugon sa direktiba nina Pangulong Ferdinand Marcos Jr. at kalihim ng Transportasyon na si Vince Dizon upang isulong ang pandaigdigang pinakamahusay na kasanayan at tiyakin ang pinakamataas na pamantayan ng kaligtasan sa aviation at pagsunod sa regulasyon.

Ang pagsasagawa ng CAAP ng workshop na ito ay nagpapakita ng patuloy na pangako sa pagpapalakas ng mas ligtas, mas maayos at nakahanay sa pandaigdigang mga pamantayan na sektor ng aviation sa Pilipinas at Timog-Silangang Asya.