DINALA ng National Housing Authority (NHA) sa Negros Occidental ang People’s Caravan: “Serbisyong Dala ay Pag-asa” sa Pahanocoy Sites and Services Project sa Brgy. Pahanocoy gymnasium, NHA Phase 2, Bacolod City noong Hunyo 19.

Humigit-kumulang 3,000 Negrense ang lumahok sa caravan kaganapan mula sa walong proyektong pabahay ng NHA na Pahanocoy Sites and Services, Alijis Sites and Services, Yulo’s Park Sites, Malalusan SUP, Mambuloc SUP, Santol SUP, Bata On-site Housing Project at Ciudad Felisa AFP/PNP Housing Project.

Bilang priority project ni NHA General Manager Joeben Tai, naglalayong mailapit ng NHA ang mga mahahalagang programa at serbisyo ng iba’t-ibang ahensya ng pamahalaan at pribadong sektor sa mga benepisyaryo ng mga resettlement site ng ahensya.

Pinangunahan ni Assistant General Manager Alvin S. Feliciano ang caravan katuwang nina NHA Region 6 Regional Manager Engr. Rizalino G. Cabahug, NHA Negros Occidental District Office Manager Claire De Lune P. Villanueva, NHA Community Support Services Department (CCSD) Officer-in-Charge Donhill V. Alcain, Bacolod City Mayor Alfredo Abelardo B. Benitez, Bacolod City Lone District Representative Greg G. Gasataya at Brgy. Pahanocoy Chairman Yolanda T. Noble.

Isa sa mga highlight ng kaganapan ang pagbibigay ng Transfer Certificates of Title (TCTs) sa tatlong benepisyaryo mula sa Pahanocoy Sites and Services Project, kasama ang 40 lot titles para sa mga awardee ng AFP/PNP Housing Project.

Nag-alok din ang caravan ng medical at dental mission na may libreng eye check-up, gupit, tuli at pamamahagi ng gamot/bitamina at salamin mula sa Department of Health (DOH), Armed Forces of the Philippines (AFP), Philippine Coast Guard (PCG), Bureau of Fire Protection (BFP), Philippine Amusement and Gaming Corporation (PAGCOR) at Sugarlandia Lions Club.

Nagbenta ang Department of Agriculture (DA), sa pamamagitan ng KADIWA stores at sa tulong ng Bureau of Plant Industry (BPI), ng mga produktong agrikultural na may libreng buto at punla.

Nagkaroon din ng isang job fair na pinangunahan ng Department of Labor and Employment (DOLE)-Public Employment Service Office (PESO) para sa lokal na trabaho at Department of Migrant Workers (DMW) para sa mga trabaho sa ibang bansa.

Kasama rin sa iba pang serbisyo ay ang libreng

Wifi coverage at pagpapakilala ng eGov Superapp at PNPKI Digital Certificate ng Department of Information and Communications Technology (DICT), donasyon ng mga pinaglumaang damit at laruan mula sa Philippine Air Force (PAF).