NAHULI ng mga miyembro ng District Police Intelligence Operation Unit (DPIOU) ng Manila Police District (MPD) ang isang suspek sa kasong pagpatay sa Meycauayan City, Bulacan kamakailan.

Kinilala ni MPD Director Police Brigadier General Benigno Guzman ang suspek na si alyas Ison.

Ayon kay Police Major Kevin Rey Bautista, hepe ng DPIOU, na pinangasiwaan ni Police Lieutenant Colonel John Guiagui, nahuli ang suspek makaraang inguso ng isang impormante na naglulungga sa Meycauayan, Bulacan

Sangkot sa pagpatay sa Maynila ang naturang suspek.

Tagumpay ang operasyon sa pagtugis alinsunod sa direktiba ni National Capital Region Police Office chief Police Major General Anthony Aberin at Manila Mayor Isko Moreno.