ARESTADO ang dalawang lalaki na nangnenok ng cellphone sa restaurant sa Binondo, Manila noong Huwebes.

Ayon sa report, hapon ng mangyari ang pagnanakaw ng mga suspek na sina alyas Penpen, 30, at Ryan, 45 .

Base sa salaysay ng biktima na si Mary Ann, 39, nasa Ju Fu Lu restaurant siya ng manenok ang kanyang itim na Vivo cellular phone na nagkakahalaga ng P7,000.

Nirepaso ng may-ari ang mga kuha ng CCTV at natuklasang ninakaw ito ng mga suspek bandang alas-2:39 ng hapon habang ang isang suspek nagsilbing look-out.

Natunton ang mga suspek at narekober ang ninakaw na cellphone nina PSSg Jeselle Telebrico at PSSg Mc Julian Limano.

Nahaharap sa kasong pagnanakaw ang mga naarestong suspek.