NANINIWALA si Philippine Drug Enforcement Agency Director General, Undersecretary Isagani Nerez na nalansag nila ang secret drug den sa Dagupan City nang maaresto ang 6 targets doon noong Linggo sa pangunguna ng maintainer.

Ni-raid bandang alas-2:35 ng madaling araw ang drug facility sa Arellano Bani St. sa Brgy. Pantal, Dagupan City at nakuha ang 7 gramo ng shabu na may halagang P48,000 at sari-saring drug paraphernalia.

Kinilala ni PDEA Regional Office 1 director Atty. Benjamin Gaspi ang mga naaresto na sina alyas Glaiza, 36; Marvin, 27; May Ann, 34; Jennifer, 42; Bryan, 43; at Elijah, 19.