𝗖AMP 𝗕𝗚EN 𝗩ICENTE 𝗟𝗶𝗺–Dalawang pinaghihinalaang sangkot sa pagbebenta ng droga ang naaresto noong Linggo na may dalang 100 gramo ng shabu at may halagang P680,000 sa Brgy. Sto Cristo, San Pablo City, Laguna ng mga tauhan ng San Pablo City Police Station Drug Enforcement Unit.

Batay sa ulat, nahuli sina alyas Vincent, 47; at White, 60, dahil sa koordinasyon sa Philippine Drug Enforcement Agency (PDEA)-4A.

Nadakip ang mga suspek matapos ibenta ang isang heat-sealed transparent plastic sachet ng hinihinalang shabu sa isang poseur-buyer kapalit ng buy-bust money.

Inihahanda na ang kaukulang kaso laban sa nadakip na suspek.