HIMAS rehas ngayon ang 49-anyos na lalaki matapos arestuhin ng mga miyembro ng Santa Catalina police dahil sa kasong rape sa Negros Oriental noong Nobyembre 1.

Nakilala ang suspek na si alyas Jose, ayon sa report kay Negros Island Region police director Brig.General Arnold Thomas Ibay.

Nahuli ang suspek sa pangunguna ni P/Maj. Kenneth Jay Gratones kasama ang Regional Mobile Force Battalion.

Inaresto sa bisa ng warrant of arrest ang suspek sa tulong ni Judge Maria Myla Rae Santos-Orden, Presiding Judge ng Regional Trial Court, 7th Judicial Region, Branch 63, Bayawan City, Negros Oriental.

Pinuri ni PBGen. Ibay ang kanyang mga tauhan sa paghuli sa suspek.