DALAWA ang sugatan matapos bumagsak ang side panel ng isang billboard sa Aurora-Katipunan Service Road sa Quezon City nitong Lunes ng umaga.

Sa ulat ng Metropolitan Manila Development Authority (MMDA), alas-9 ng umaga nang mangyari ang aksidente sa Aurora Boulevard-Katipunan Service Road southbound sa lungsod..

Agad isinugod sa ospital ang rider at ang angkas nia matapos magtamo ng mga sugat, at pasa sa katawan at mukha.

Maliban sa mga biktima, nawasak din ang bumper ng kotse na tinamaan ng bumagsak na bahagi ng electronic billboard.