NAGHAIN si Sen. Jose “Jinggoy” Estrada ng Senate Bill No. 1685 na naglalayong ibaba ang rates ng buwis sa taxable income ng mga indibidwal.

Sa explanatory note ng panukala, binanggit ni Estrada ang AmBisyon Natin 2040 na naglalarawan ng mga pamilyang Pilipino na may “a stable and comfortable lifestyle with security that they will have enough resources to provide for their needs and unexpected expenses,” at sinabi niyang dapat nakaayon sa garantiya ng Konstitusyon ang sapat na kita ng mga manggagawa, kabilang ang karapatang magkaroon ng living wage.

Layunin ng panukala na itama ang naranasang kakulangan ng TRAIN law sa pamamagitan ng pagtaas ng take-home pay ng mga Pilipinong kumikita, para makatulong sa mas matatag na pananalapi at mas maayos na pamumuhay, at upang mas makapag-ambag sila sa ekonomiya bilang aktibong kalahok sa palitan ng mga produkto at serbisyo.

Kasama sa panukala ang separability clause at repealing clause at nakasaad na magiging epektibo ito pagkalipas ng 15 araw matapos mailathala sa Official Gazette o sa hindi bababa sa dalawang pahayagang may general sirkulasyon.