TATLONG tupadero ang nahuli na nasa illegal na tupada sa Mabuhay Phase 2, Brgy. Mamatid, Cabuyao City, Laguna noong Linggo.

Kinilala ng Cabuyao police ang mga suspek na sina alyas Reden, Alvin at Gerald.

Kakasuhan ang tatlo ng paglabag sa RA 9287 (illegal cockfighting), ayon sa report.

Nahuli ang tatlo dakong alas-5:00 ng hapon at nabawi din ang fighting cock na may mga tari at bet money na umaabot sa P650.

Kasalukuyang nakapiit ang mga suspek sa Cabuyao police station.