𝗠𝗔𝗔𝗔𝗥𝗜𝗡𝗚 𝗺𝗮𝗵𝗮𝗿𝗮𝗽 𝘀𝗮 𝗸𝗮𝘀𝗼𝗻𝗴 𝗮𝗱𝗺𝗶𝗻𝗶𝘀𝘁𝗿𝗮𝘁𝗶𝗯𝗼 𝗮𝘁 𝗸𝗮𝘀𝗼𝗻𝗴 𝗸𝗿𝗶𝗺𝗶𝗻𝗮𝗹 𝗮𝗻𝗴 𝗯𝗮𝗴𝗼𝗻𝗴 𝗹𝗶𝗱𝗲𝗿𝗮𝘁𝗼 𝘀𝗮 𝗦𝗲𝗻𝗮𝗱𝗼 𝘀𝗮 𝗶𝗹𝗮𝗹𝗶𝗺 𝗻𝗴 𝗯𝗮𝗴𝗼𝗻𝗴 𝗹𝘂𝗸𝗹𝗼𝗸 𝗻𝗮 𝘀𝗶 𝗦𝗲𝗻𝗮𝘁𝗲 𝗣𝗿𝗲𝘀𝗶𝗱𝗲𝗻𝘁 𝗔𝗹𝗮𝗻 𝗣𝗲𝘁𝗲𝗿 𝗖𝗮𝘆𝗲𝘁𝗮𝗻𝗼 𝗸𝗮𝗽𝗮𝗴 𝘁𝘂𝗺𝗮𝗻𝗴𝗴𝗶 𝘀𝗶𝗹𝗮𝗻𝗴 𝗶-𝗰𝗼𝗻𝘃𝗲𝗻𝗲 𝗮𝗻𝗴 𝗠𝗮𝘁𝗮𝗮𝘀 𝗻𝗮 𝗞𝗮𝗽𝘂𝗹𝘂𝗻𝗴𝗮𝗻 𝗯𝗶𝗹𝗮𝗻𝗴 𝗶𝗺𝗽𝗲𝗮𝗰𝗵𝗺𝗲𝗻𝘁 𝗰𝗼𝘂𝗿𝘁, 𝗮𝘆𝗼𝗻 𝘀𝗮 𝗺𝗴𝗮 𝗽𝗿𝗼𝗺𝗶𝗻𝗲𝗻𝘁𝗲𝗻𝗴 𝗹𝗮𝘄 𝗱𝗲𝗮𝗻 𝗮𝘁 𝗽𝗿𝗼𝗳𝗲𝘀𝘀𝗼𝗿𝘀 𝘀𝗮 𝗣𝗶𝗹𝗶𝗽𝗶𝗻𝗮𝘀.

Ito ang kanilang matapang na babala laban sa bagong Senate leadership na maaaring ituring na krimen sakaling hadlangan nila ang pag-convene ng Senado bilang impeachment court para sa gagawing paglilitis kay Vice President Sara Duterte.

Kung saan, ipinahayag pa ng kanilang grupo na maaaring maglantad mga senador sa pananagutang administratibo at maging kriminal dahil tinanggihan nilang gumulong ang nasabing paglilitis.

Pagbibigay diin ng mga legal scholars na malinaw sa Konstitusyon na walang pagpipilian ang Senado kundi ang kumilos kapag naipadala na ng Kamara ang Articles of Impeachment na inaprubahan ng hindi bababa sa isang-katlo (1/3) ng mga miyembro nito.

“Dapat agad na magpatuloy ang paglilitis (Trial forthwith proceeds),” diin ng mga propesor, habang binabanggit ang Artikulo XI, Seksyon 3 ng Konstitusyon,” ang pahayag ng grupo ng mga law dean at professors sa Pilipinas.

Idinagdag pa nila na ang malinaw na hangarin ng mga bumalangkas ng batas ay ang awtomatikong pag-usad ng proseso ng impeachment.

Dumating ang kanilang pahayag sa gitna ng tumitinding kontrobersya kasunod ng pagbabago sa liderato ng Senado kung saan napatalsik si Senate President Vicente “Tito” Sotto III at iniluklok si Senator Cayetano bilang bagong pinuno ng Senado sa mismong araw na inaasahang ipadadala ang mga artikulo ng impeachment laban kay Duterte.

Inakusahan ng mga propesor sa batas ang ilang senador na sinusubukang antalahin o itigil ang proseso ng impeachment sa pamamagitan ng mga “procedural maneuvering” at pagpapalit ng liderato.

“Kinokondena namin ang garapalang pagtatangka ng mga miyembro ng Senado na harangin ang impeachment trial ng Bise Presidente,” sabi pa nila.

Ang “Escudero Definition” at Pananagutan sa Batas Partikular na binatikos ng mga lumagda ang tinawag nilang “Escudero definition” ng terminong konstitusyonal na “forthwith” (kaagad).

Tumutukoy ito sa mga naunang pahayag ni Senador Francis Escudero na nagsasabing ang Senado ang may kapangyarihang magtakda ng oras ng paglilitis ayon sa sarili nilang kaginhawaan.

Pangatwiran ng mga propesor, ang ganitong interpretasyon ay sumasalungat sa mismong wika at diwa ng Konstitusyon.