SI Senator Pia Cayetano ay naging emosyonal at napaluha habang nagbibigay ng kanyang talumpati sa sesyon plenaryo sa Senado ng Pilipinas sa Pasay City noong Mayo 20, 2026. Patuloy pa rin umanong nakaapekto sa kanya, sa kapwa niya mga senador, at sa kanilang mga staff ang traumang dulot ng insidente ng pamamaril sa loob ng Senado.

Ipinahayag din niya ang kanyang pagkadismaya dahil umano’y may ilang senador mula sa minorya, na itinuturing niyang mga kaibigan, na hindi man lamang nangumusta sa kanya at sa iba pa matapos ang insidente.

Ang insidente ng pamamaril ay nag-ugat sa tensyon kaugnay ng mga pagtatangkang arestuhin si Senator Ronald ‘Bato’ dela Rosa, na nauwi sa kaguluhan at putukan sa loob ng gusali ng Senado noong nakaraang linggo. JOSEPH MUEGO