ARESTADO noong Miyerkules ng mga pulis ang obrero sa Brgy. Sala, Balete, Batangas dahil sa kasong lascivious conduct.

Nahuli si alyas Gabriel, 37, bandang alas-12:05 ng tanghali ng mga tauhan ng Tanauan City police sa bisa ng warrant of arrest na inisyu ni Judge Nevic Adolfo ng Regional Trial Court Branch 83 ng Tanauan City.

Nagtakda ng P200,000 na pyansa ang korte para sa pansamantalang paglaya ng suspek.

“Ang operasyong ito nagpapakita ng kahusayan at dedikasyon ng aming mga tauhan sa pagpapanatili ng kapayapaan at kaayusan,” sinabi ni Batangas police director P/Col. Jacinto Malinao Jr.