Matapos ang tagumpay ng kanyang pelikulang “Hello, Love, Again” at teleseryeng “Pulang Araw,” time-out muna sa pag-arte si Alden Richards.

Ayon sa report ng “Chika Minute” ng “24 Oras,” mapapanood nang muli ang aktor sa Sunday variety show na “All-Out Sundays” simula ngayong February 9.

“Very excited, very happy na kahit papaano ay nakabalik tayo, of course, to perform again with my fellow-Kapuso stars,” saad ni Alden sa panayam ni Nelson Canlas.

“It’s been, I think, a year ata since my last appearance,” sambit pa ni Alden.

At bongga ang pagbabalik niya dahil makakasama niya si Heart Evangelista sa isang production number.

“Birthday month kasi ni Heart so makiki-celebrate tayo. May prod din kasama ko siya and other AOS artists,” pagre-reveal ni Alden.

Bukod sa AOS, ay may isa pang hosting job na nakatakdang gawin ang aktor simula sa Hunyo.

“I’ll be a host for a show on GMA. I think we’ll start grinding by March, and I think it will air in June,” pagbabahagi niya.

“My last was ‘Battle of the Judges’ pa and it really did well, so ngayon another new concept,” dagdag pa niya.