ORANI, Bataan— Sumabak na sa trabaho si Mayor Jon Arizapa ng bayang ito at gusto niyang humagupit ng todo para ipabatid sa buong bansa ang tikas ng kanilang bayan.

Ito ang nilalaman sa pinakaunang Executive Order ni Arizapa sa pagnanais niyang maging malinis, maayos ang kapaligiran at maayos na pamamahala.

Inihayag ni Mayor Arizapa na inilunsad niya ang unang EO— isang komprehensibong hakbang na nakatuon sa k𝗮𝗹𝗶𝗻𝗶𝘀𝗮𝗻 𝗻𝗴 b𝗮𝘆𝗮𝗻.

Matatandaan na ginamit ni Mayor Arizapa ang kanyang sariling heavy equipment para maglinis sa mga baradong imburnal, daanan ng tubig ulan at iba pa.

“Simula na ang mas pinaigting na paglilinis sa buong Orani mula sa palengke, terminal, at mga lansangan hanggang sa bawat barangay,” sabi ng mayor.

“Hindi lang pisikal na kalinisan, kundi pati integridad sa serbisyo. Lahat ng mga kawani ay inaasahang sumunod sa Organized Workplace Policy at Code of Conduct and Ethical Standards, at magpakita ng tapat, magalang, at may ngiting serbisyo sa bawat taga-Orani,” ani Mayor Arizapa.

“Ito ang bagong mukha ng serbisyo sa ating bayan d𝗶𝘀𝗶𝗽𝗹𝗶𝗻𝗮𝗱𝗼, m𝗮𝗹𝗶𝗻𝗶𝘀, m𝗮𝗮𝘆𝗼𝘀 at m𝗮𝗸𝗮𝘁𝗮𝗼,” dagdag pa ni Arizapa.