UMABOT sa ikatlong alarma ang sunog bago naapula noong Linggo sa Brgy. Zapote, Bacoor City, Cavite.

Batay sa ulat ng Bureau of Fire Protection (BFO), nagsimula ang sunog dakong alas-5:00 ng umaga.

Umabot sa 13 firetrucks ang rumesponde sa sunog dahil nahirapan ang mga bumbero pumasok sa lugar dahil sa makipot na daanan.

Kinailangan pang maghanap ng bakanteng lote para makalapit sa mga nasusunog na bahay ang mga fire trucks, ayon sa report.

Ayon sa mga residente, nagising sila na malaki na ang apoy sa paligid kaya’t marami sa kanila ang halos walang naisalba sa kanilang mga gamit.