HERMOSA, Bataan–Binibigyan ng prayoridad ng Hermosa ang pinansyal na pangangailangan ng mga lolo at lola, ayon kay Mayor Jopet Inton.

“Ating isinagawa ang patuloy na pamamahagi ng tulong pinansyal para kina lolo at lola sa house-to-house na pinangunahan ni Mayora Anne Inton kasama ang Office of the Senior Citizens Affairs OIC Arturo Sanggalang,” ayon sa mayor.

Nagkaroon din ng pamamahagi ang lokal na pamahalaan kasama ang mga miyembro ng Team Lipad, kabilang sina Konsehal Boyet Yandoc at Konsehal Lou Narciso, dagdag ng mayor.

“Ang gawaing ito isinagawa upang makapagbigay ng karagdagang suportang pinansyal sa ating mga lolo at lola na makakatulong sa kanilang pang-araw-araw na pangangailangan at pamumuhay,” dagdag pa ng mayor.